خطيبي تحت تأثير المواقع الإباحية
.
السلام عليكم ورحمة الله وبركاته.. أنا مشكلتي إني مخطوبة لواحد بحبه من 6 سنين، كان زميلي في الكلية، وجه خطبني من 5 شهور.أنا دلوقتي مش عارفة أعمل إيه؟ أواجهه بالحاجات دي ولا أعمل إيه؟ وهل إنه يفتح المواقع دي عادي؟ مع العلم إنه بيحبّني جدا، ومش بيقدر يزعّلني، وكمان لقيته كاتب لواحد صاحبه في رسالة إنه عايز أفلام مش كويسة.. يا ريت حد ينصحني أعمل إيه؟ هو بيصلّي وبيقرأ قرآن ومحترم معايا ومع عيلته وعيلتي، وبيعاملني كويس جدا.
بس أنا حاسّة إن ثقتي فيه اتهزت، وأنا اللي أهم عندي من الحب هو الاحترام.. أنا عايزة حد يقول لي أتصرّف معاه إزاي؟ أنا مش عايزة نتخانق ويبقى أنا كده عرفته إنه وحش، بس أنا كمان مش هاعرف أتعامل معاه عادي زي الأول.
أنا اللي مضايقني إنه كدب عليّ في الأوّل، وأنا هبلة وصدّقته!! أنا عايزة أوزن الأمور بعقلي بس مش عارفة.. أرجوكم ردوا عليّ.
